اج شہر قائد کا موسم کیسا رہے گا

آج شہرقائد کا موسم جزوی ابرآلود رہنے کے ساتھ ساتھ گرم اور مرطوب رہنے کا امکان ہے جبکہ شہرکے مختلف علاقوں میں بونداباندی بھی ہوسکتی ہے۔

اے آر وائی نیوز کے مطابق محکمہ موسمیات نے کہا ہے کہ آج شہر کا موسم جزوی ابرآلود رہنے کے ساتھ ساتھ گرم اور مرطوب رہے گا۔ شہرکے مختلف علاقوں میں بونداباندی کے امکانات بھی ظاہر کیے گئے ہیں۔

کراچی میں جمعہ کی صبح درجہ حرارت 30 ڈگری سینٹی گریڈ ریکارڈ کیا گیا ہے، شہر میں زیادہ سے زیادہ درجہ حرارت 34 سے 36 ڈگری سینٹی گریڈ تک جانے کا امکان ہے۔

محکمہ موسمیات کے حکام نے بتایا کہ ہوا میں نمی کا تناسب 72 فیصد ہے، اس کے علاوہ ہوا 8 سے 10 ناٹیکل مائل کی رفتار سے چل رہی ہے۔ گزشتہ روز بھی شہر کے مختلف علاقوں میں بوندا باندی اور کہیں ہلکی بارش ہوئی تھی مگر گرمی کی شدت برقرار تھی۔

from ARYNews.tv | Urdu – Har Lamha Bakhabar https://ift.tt/FXfvZE7