پی ٹی آئی کی عوامی رابطہ مہم، ملک بھر میں ریلیوں کا شیڈول جاری

پاکستان تحریک انصاف نے عوامی رابطہ مہم کے سلسلے میں ملک بھر میں ریلیاں نکالنے کا فیصلہ کیا ہے جس کا شیڈول جاری کردیا گیا ہے۔

اے آر وائی نیوز کے مطابق پاکستان تحریک انصاف نے عوامی رابطہ مہم کے سلسلے میں ملک بھر میں ریلیاں نکالنے کا فیصلہ کیا ہے اور اس سلسلے میں شیڈول جاری کردیا گیا ہے۔ ریلیوں کا آغاز آج سے ہوگا۔

پی ٹی آئی کی عوامی رابطہ مہم کے سلسلے میں آج لاہور، راولپندی، فیصل آباد اور ملتان میں ریلیاں نکالی جائیں گی۔ ہر شہر میں پی ٹی آئی کے علاقائی ذمے دار ریلیوں کی قیادت کریں گے۔ ریلیوں میں پی ٹی آئی کارکنوں اور عوام کی بڑی تعداد شریک ہوگی۔

پارٹی کی جانب سے جاری شیڈول کے مطابق کل 26 دسمبر کو بہاولپور، 27 دسمبر کو شیخوپورہ اور 28 دسمبرکو جہلم میں ریلی نکالی جائے گی۔ 29 دسمبر کو ساہیوال، 30 دسمبر ڈی جی خان اور 31 دسمبر کو گوجرانوالہ میں ریلیاں شیڈول کی گئی ہیں۔

یکم جنوری کو ملتان، فیصل آباد، لاہور اور راولپنڈی میں دوبارہ ریلیوں کا انعقاد ہوگا۔ 2 جنوری کو سیالکوٹ، 3 جنوری اٹک، 4 جنوری جہلم اور 5 جنوری کو ساہیوال میں ریلیاں نکالی جائیں گے۔

جنوری کی 6 تاریخ ڈی جی خان، 7 کو شیخوپورہ میں ریلیاں منعقد ہوں گی جب کہ 8 جنوری کو ملتان، لاہور، فیصل آباد اور راولپنڈی میں ایک بار پھرریلیاں نکالی جائیں گی۔

9 جنوری کو سیالکوٹ، 10 کو گجرات، 11 کو جہلم اور 12 جنوری کو گوجرانوالہ میں ریلیوں کا اہتمام ہوگا۔ 13 جنوری کو ساہیوال اور 14 جنوری کو بہاولپور میں پی ٹی آئی ریلی نکالے گی۔ پندرہ جنوری کو ملتان، لاہور، فیصل آباد اور راولپنڈی جب کہ 16 جنوری کو سرگودھا میں ریلی کا انعقاد کیا جائے گا۔

from ARYNews.tv | Urdu – Har Lamha Bakhabar https://ift.tt/5p4L6ne