ٹی ٹوئنٹی ورلڈکپ : ایشز حریف آج آمنے سامنے

دبئی/ شارجہ: ٹی ٹوئنٹی ورلڈکپ کے سنسنی خیز مقابلےجاری ہیں ، آج میگا ایونٹ میں دو میچ کھیلے جائیں گے۔

تفصیلات کے مطابق پہلا میچ جنوبی افریقا اور سری لنکا کی ٹیموں کے درمیان کھیلا جائے گا، دونوں ٹیموں کے لئے یہ میچ نہایت اہمیت کا حامل ہے، میچ میں فتح حاصل کرنے والی ٹیم کے سیمی فائنل میں جانے کی امید برقرار رہی گی، میچ پاکستانی وقت کے مطابق سہہ تین بجے شروع ہوگا۔

دونوں ٹیموں نے ٹی ٹوئنٹی ورلڈکپ میں اب تک دو دو میچز کھیل رکھے ہیں۔

ٹی ٹوئنٹی ورلڈکپ کا دوسرا بڑا مقابلہ ایشز سیریز کے روایتی حریف آسٹریلیا اور انگلینڈ کے درمیان دبئی میں ہوگا، انگلینڈ اور آسٹریلیا کے درمیان کھیلا جانے والا میچ اس لئے اہمیت اختیار کرگیا ہے کہ جو ٹیم فتح حاصل کرے گی اس کی ٹی ٹوئنٹی سیمی فائنل تک رسائی آسان ہوجائے گی۔

The post ٹی ٹوئنٹی ورلڈکپ : ایشز حریف آج آمنے سامنے appeared first on ARYNews.tv | Urdu - Har Lamha Bakhabar.

from ARYNews.tv | Urdu – Har Lamha Bakhabar https://ift.tt/3Cv4eXy